Mànnani i to cunti!
Si scrivi 'n sicilianu, sia tiatru, cunti o narrativa, o scirittura di storia, scienza o jurnalìsimu, ni piacissi publicallu cca. Mànnani i to travagghi ô nnirizzu mail cca jusu, sempri sicutannu i règulu dâ nostra guida stilìstica:
sicilianwithnick@gmail.com
Dumanni Cumuni
'N Quali Sicilianu Si Scirivi Cca?
Cca scrivemu un sicilianu nurmalizzatu ca tutti i siciliani ponnu capiri. Un nostru caru amicu u chiama "sicilianu nadaru" - dâ palora siciliana pi diri "misuri e pesi giusti". Travagghi scritti 'n tutti i parrati dâ lingua siciliana su' accittati cca, sulu adumannamu a tutti di scrìviri cu l'ortugrafìa nurmalizzata - putiti lèggiri cchiù assai nnâ nostra guida stilìstica. V'addumanamu di fari na nota quannu usi na palora o furma grammaticali ca è particulari â to banna, accussì tutti putemu capiri u testu!
Ti pozzu mannari tutti sti pusìi ca scrissi?
1. Circamu di publicari cosi novi ca nun sunnu mai publicati prima. Si publicasti na cosa ncapu un blog pirsunali tempu arrè, capaci ca a putemu ancora publicari cca.
2. Già cc'è assai pusìa siciliana, ni pari ca i cristiani sulu scrìvinu pusìa 'n sicilianu. Mentri stu situ è criatu pi addimustrari cunti di narrativa 'n sicilianu, jurnalìsimu, e tiatru 'n sicilianu. Ogni annu putemu publicari n'anticchia di puisìa, ma nun è u scopu principali di stu situ.
Chi vuliti vìdiri?
Cunti (senza rima!) 'n sicilianu - vulemu lèggiri fantascenza 'n sicilianu strittu! Tiatru scrittu 'n cuntesti muderni. Rubot ca si sciarrìanu cu cristiani di Gela. Cummissari ca pàrranu sicilianu. Erfi e nani ca càntanu 'n sicilianu. Cunti tristi, cummedi brillanti. Narrativa 'n sicilianu.
Macari testi di scienza, upinioni, jurnalìsimu, pulìtica 'n sicilianu. Facisti un nnàggini ncapu a situazzioni d'acqua nnô to pajisi? Scrivillu 'n sicilianu e mannanillu!
Pratticamenti, vulemu tuttu tranni puisìa 'n sicilianu.
Iu scrissi na cosa 'n italianu cu diàlugu 'n sicilianu, stili Muntalbanu. U publicassivu?
No.
Semu granni ammiraturi di Camilleri, ma iḍḍu fu custrettu a scrìviri 'n italianu ammiscatu cu sicilianu. Cca siti lìbbiri a scrìviri 'n sicilianu veru. Dû tìtulu, â didascalìa - tuttu 'n sicilianu.
Pi tutti i dumanni
Dumanni o cunzigghi? Parramu n'anticchia!